बहुतेक वेळेस पित्ताशयातील खड्यांचा काहीही त्रास होत नाही आणि त्यांची लक्षणे दिसून येत नाहीत. पित्ताशयातील खडे असणाऱ्या ७०-८० टक्के रुग्णांना त्याचा काही त्रास होत नाही. त्यातले काही सोनोग्राफीमध्ये दिसतात. अशा खडय़ांना सायलेंट खडे म्हणतात. जर खडय़ांचा काही त्रास नसेल, ते लहान असतील व पित्ताशय जाड झाले नसेल व केवळ सोनोग्राफीमध्ये खडे आहेत म्हणून पित्ताशय काढावेत हे गरजेचे नाही. परंतु अश्या रुग्णांमध्ये पित्ताशयाला सूज, स्वादुपिंडाला सूज येते. पित्ताशयाला सूज येऊन ते फुटणे, पित्ताशयाला गॅंगरीन होणे, पित्ताशयाचा कर्करोग इ. गंभीर आजारही या लक्षण नसलेल्या खड्यांमुळे होऊ शकतात. त्यावर फक्त लक्ष ठेवावे व वैद्याच्या सल्ल्यानेच उपचार करावे.