नस्य हे कर्म अत्यंत निर्धोक व त्रासविरहीत आहे मात्र यातही व्यक्‍तीची प्रकृती, व्याधीची तीव्रता, जीर्णावस्था, ऋतु यानुसार कोणते नस्य द्यायचे हे तज्ञांच्या मार्गदर्शनानुसारच ठरवावे लागते तरच त्याचे अपेक्षित फायदे दिसू शकतात. 

नासा हे शरिरातील एक महत्वाचे ज्ञानेंद्रिय आहे. श्‍वसन मार्गाची सुरुवात तेथूनच होत असते. शिर:प्रदेशामध्ये जे विविध व्याधी निर्माण होतात, ते उत्पन्न होण्यामध्ये ‘ नासा’ या इंद्रियाचा निदानाच्या दृष्टीने महत्वाचा सहभाग असतो.

शिर:स्थ दोषांची चिकित्सासुध्दा ‘नासा’वाटे केली जाते. चिकित्सा, उत्तमांग (शिर) या षडंगांपैकी एका महत्वाच्या अंगाची चिकित्सा, पृथ्वी महाभूताची चिकित्सा, प्राणवह, मज्जावह, शुक्रवह, मनोवह या स्त्रोतसांची चिकित्सा असे नस्य कर्माकडे विशाल दृष्टीने पाहिले जाते.